#尋日相今日po系列
🌈2019.10.14🌈
Wooo！轉眼間呢隻包包仔就三歲啦！生日快樂🎂快高長大呀！雖然佢平時好百厭又搗蛋，但撇除呢啲時間，佢都係一個好乖巧、好窩心又關心人嘅小男孩嚟既😹！ 呢三年真係「嗖」一聲就過咗，尤其佢返咗學之後識講嘅嘢多咗好多，已經不再BB了😭相信會喺媽媽嘅心情都應該同我一樣，好想小朋友快高長大，但同時又唔捨得佢哋大得太快👉🏻👈🏻今次臨時決定搞生日會，所以蛋糕都係前一晚先訂嘅，好彩趕得切關門前落訂咋🤫話說呢兩兄弟每次經過樓下嘅麵包店，都總會望住人哋櫥窗啲玻璃球生日蛋糕望到唔捨得走（其實媽媽私心都覺得好靚🤩）所以今次老公強烈建議我買一個俾包包仔，一賞佢嘅心願😍佢見到蛋糕嘅一刻真係好開心又興奮，有佢最愛嘅消防車🚒有反斗車王兩位主角✨有閃燈🔮仲有玻璃球，原來男仔嘅蛋糕都可以咁夢幻😹啱晒媽媽我嘅口味💕可惜唔記得錄低佢呢個超級可愛嘅樣😅
其實每一次同佢地舉辦生日會，事後檢討都仲係覺得影漏咗相，有突破性進步嘅係：今次婆婆唔喺香港冇嚟，我終於可以企返喺自己個仔旁邊唱生日歌啦！Yeah🤣
下次我一定要補返：
1）兩兄弟同蛋糕嘅合照
2）只有小朋友們嘅合照
3）我哋一家同埋😽LU LU嘅合照
最後要讚一下哥哥仔，因為佢都恨咗想要呢款生日蛋糕好耐🎂今次買咗俾細佬先佢都冇半點呷醋，仲好戥細佬開心💕放咗學仲陪我去超市買食材，又幫手拎最重嗰袋返屋企🥺望住佢一路踩滑板車一路拎住袋餸一路好開心嘅背影，腦海突然間飄過好多佢BB時期既各種畫面，感觸到眼泛淚光既瞬間我望向天空，回想返呢幾年曾經無數次閃過想出返嚟返工嘅念頭，一個決定就可能就令我錯過咗好多佢哋珍貴嘅成長歷程，現實中冇時光機可以回到從前，再一次提醒我「全職媽媽」唔係為任何人，係為咗自己唔會「錯過」💪🏻💪🏻💪🏻
默默感恩有呢兩位小天使喺我生命中出現🙏🏻🙏🏻🙏🏻
P.S 大家唔洗再叫我生多個經歷多一次😂我份人好有計劃，男女都好，總之有兩個小朋友就夠了💃
#做全職媽媽就係忙到手機都冇時間玩 #生仔有多痛多偉大不必說 #兒子生日快樂就好 #謝謝你的出現 #永遠愛你守護你 #包包仔 #三歲 #哥哥仔 #五歲七個月
Search